Yerevan Book Fest․ «գրող-հրատարակիչ համագործակցություն» վարպետության դաս

23905329_1496753970440233_3358024929033975187_nԱրդեն երկրորդ օրն է, ինչ քաղաքում մեկնարկել է թերևս ամենասպասված գրքատոն նախագիծը՝ Yerevan Book Fest Գրքի երևանյան առաջին փառատոնը, որը վաղուց հասունացած ու սպասված անհրաժեշտություն է մշակութային կյանքում։ Եռօրյա միջոցառումների ցանկը, կազմակերպման ձևաչափն ու ժամանակացույցը  փառատոնից օրեր առաջ արդեն հասանելի էր առցանց հարթակում։ Նպատակը հայ ժամանակակից գրականությունն ընթերցողին ավելի ճանաչելի դարձնելն է, գրող-հրատարակիչ-ընթերցող շղթայի ամրացումը, նոր հրատարակությունների մասին տեղեկատվությունն առավել հասանելի դարձնելը: Փառատոնին մասնակցում է 27 հրատարակչություն: Ի՞նչ էր մնում գրքասերներին և տոնի խորհուրդը կարևորողներին, եթե ոչ մասնակցելն ու կարևորը բաց չթողնելը։

23915570_1496771393771824_7533597342914864987_nYerevan Book Fest-ի շրջանակում այսօրվա հետաքրքիր սեմինարներից էր  «Անտարես» հրատարակչության գլխավոր խմբագիր Արքմենիկ Նիկողոսյանի և «Զանգակ» հրատարակչության տնօրեն Էմին Մկրտչյանի վարպետության դասը: Ինֆորմատիվ զրույցի ընթացքում քննարկվեցին մի շարք կարևոր թեմաներ․ դիցուք՝ ինչպիսի՞ն պետք է լինի գրող-հրատարակիչ համագործակցությունը, ի՞նչ քայլեր պետք է արվեն դրանք զարգացնելու համար, ինչպիսի՞ դժվարություններ ու նրբություններ կան այդ համատեղ աշխատանքում։ Քննարկվեցին նաև հեղինակային իրավունքին, պետական աջակցության պայմանների և իրավական նորմերին, հետտպագրական PR արշավներին, գովազդային էֆեկտներին, գրահրատարակչական կոմերցիոն տարրերին վերաբերող թեմաները։

20171125_115422Այս վարպետության դասը լավ հնարավորություն էր գրող-հրատարակիչ-ընթերցող-գրական գործակալ քառակողմ հանդիպման և հետաքրքրող, ինչու ոչ, նաև անհանգստացնող հարցերի քննարկման համար։ Ի վերջո, նման փառատոնն ու բաց դասերը արդյունավետ կերպոպով կարող են նպաստել ժամանակակից գրական դաշտի կարևորմանը, առաջընթացին, ինչպես նաև մշակութային կյանքի զարգացումներին։

Հետգրություն՝ անակնկալ նվերը շուտով կգտնի իր՝ ամենասեբաստացի ընթերցող հասցեատերին։

Միջոցառումների ժամանակացույց

23736209_1493837820731848_8248674658903409265_o

Advertisements

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s