Նախագծային աշխատանքների մեկնարկ՝ 04.09.17թ․
Մասնակիցներ՝ Մեդիալրագրության ընտրությամբ դասընթացի մասնակից սովորողներ
Նկարում՝ Լրատվական ռադիոյի լոգոն է։
Նախագծի մասին
Նախագծի մեկնարկել է 2016-2017 ուստարում, մայիսի 10-ից, ուստի սիմվոլիկ նշանակություն ունի ռադիոհաճախականության թվանիշի ընտրությունը՝ |FM 105.17|։ Նախագիծը համակարգված կգործի 2017-2018 ուստարում՝ որպես սովորողի ընտրությամբ դասընթացի նախագծային աշխատանք։ Նախատեսում է ռադիոնախագիծը իրականացնել Լրագրողների ակումբի «Մեդիալրագրություն» դասընթացի առկա հավաքներին զուգընթաց, շաբաթվա ընթացքում երկու օր (4 ժամ տևողությամբ):
Ռադիոնախագծային դասընթացը նպատակ ունի
- Բացահայտել սովորողի ունակությունները, ուղղորդել մեդիա ոլորտում
- Հնարավորություն տալ ձեռք բերելու ռադիոեթերի խոսքի վարպետություն,
Տիրապետել ռադիոլրագրության մոնտաժի հիմունքներին - Բացատրել վարելու վարպետության, հաղորդավարական իմիջի առանձնահատկությունները, խոսքի մշակույթը, տեխնիկան
- Աշխատանք տեսախցիկի, միկրոֆոնի հետ։
Դասընթացի կազմակերպումը
- Ընտրել տարիքային պահանջներին բավարարող մատչելի գրականություն, առաջարկել, հասանելի դարձնել սովորողին, նպաստել նյութերի յուրացման գործընթացին
- Մշակել ռադիոհաղորդավարների խոսքի տեխնիկան, սովորեցնել եթերային խոսքի էթիկան
- Բացատրել վարելու վարպետության, հաղորդավարական իմիջի առանձնահատկությունները
- Առաջարկել հետազոտական աշխատանքների, հեղինակային նախագծերի թեմաներ, հնարավորություն տալ սովորողին պրակտիկ աշխատանքի հիման վրա ձեռք բերելու տեսական գիտելիքներ։
- Ակումբի անդամին հնարավորություն տալ անկաշկանդ ինքնարտահայտվելու, սեփական դիրքորոշում-տեսակետները ներկայացնելու, համադրելու և հակադրելու իր գիտելիքները, լսելու այլոց կարծիքները:
- Խրախուսել սովորողների անհատական, հեղինակային նախաձեռնությունները:
Լրատվական ռադիո նախագծի գործունեության արդյունքում սովորողները հարստացնում են մեդիագրագիտության գիտելիքները տեսական-գործնական աշխատանքների միջոցով, պատրաստում հեղինակային ռադիոհաղորդումներ, մասնակցում համագործակցային նախագծային աշխատանքներին, ճամփորդություն-սեմինարների:
Լրատվական ռադիո նախագծի հաշվետու նյութերը ներկայացվում են Լրագրողների ակումբի բլոգի համապատասխան բաժնում։
Բովանդակությունը
Ժամաքանակը — շաբաթական 4 ժամ
Ուսումնասիրվող թեմաները՝
- Հեռուստատեսություն և ռադիո
- Ռադիոյի առաջացումը և զարգացումը
- Ռադիոընկերությունների տեսակները
- Ձայնը և մեդիան․ ռադիոռեպորտաժի կառուցվածքը, բաղադրիչները
- Ռադիոյի ազդեցության հնարավորությունները
- Ռադիոյի առավելություններն ու թերությունները:
Լրագրողների ակումբ 